Ista semana nos han dixau dos compañers que charroron, escribioron e esfendoron l'aragonés: Roberto Cortés e Chusé Antón Pascual.
Con Chusé Antón Pacual, compartiemos branos en Biescas, ilusions por a nuesa luenga e aquella zaguera tardi asperando oras ta dentrar a dar tamién o nueso adiós a José Antonio Labordeta en l'Aljafería.
Con Roberto Cortés, o deseyo de que as parolas permanexcan más enta allá d'o tiempo e a bida...
Deseguida me plegan ta l'esmo imáchens y dandalos. Me pregunto, por un inte, por a mía condizión d'aragonesofablán. Me pregunto terne. ¿Quí abrá puesto prexinar aquí en ista fabla morediza antis de yo?
(Roberto Cortés, Baxo as telleras (Berlín '00), Zaragoza, PUZ, 2001, p.52)