Ya s'ha publicau En o tuyo pro-nombre (Uesca, Publicazions d'o Consello d'a Fabla Aragonesa, 2022).
Ye un poemario intimista que escribiéi dimpués d'a muerte d'a mía mai e que trata de superar ixa pérdida e d’ir más t’allá d’a soledá por meyo d’as posibilidaz que tiene a luenga de creyar e de texer otras parolas, otros mundos, otra existencia...
Os dixo unos d'os suyos poemas:
A
mazanera está con as suyas flors
e
sin de tú
Un
aquelarre d’abellas l’amorosia
en
a tuya ausenzia
Mañana
una plebia de mazanetas de mon
sembrará
a tierra
que dixés abandonada
en meyo d’as estrelas d’a nuei
***
Me
miran fito fito as perpetúas
dende
o suyo amariello
e
cuan lis torno a güellada
desimulan
e parpagueyan
Podemos
pasar asina
oras
todas as oras
que yo lebo sin de tú
***
Pa santa María de Casbas
A puerta de fusta s’ubre
e un berso
s’asoma por a bentana enrellada
Se fa bombolonío
d’abellas
aguazón de yerba
candelons de sol
recuerdos de
piedra
A puerta de fusta se zarra
e o berbo me
rempuxa
ta o bazibo d’una bida sin de zielo
Prenzipio o mío octavario
